This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1864 edition. Excerpt: ...his grace, an' drawin' on his blue an' white strippit Kilmarnock nichtcap. "Hoo's a' wi' ye, man's Happy to see ye! Gie's a shake o' yer hand! What's brocht ye sae early oor gait this mornin' 1 Sic a day o' heat too! Like to rhynde the very creesh aff my banes! That bit garret placie o' oors--as ye may weel mind, Simon--is as het i' the simmer time as the oven wherein Nebuchadnezzar thocht to roast the three children, Shadrach, Meshach, an' Abed-nego; an' Tam an' me were actually thinkin' we wad need to cast oor sarks till't, gin the height o' the day. Dear me, Simon, hoo the sweat is pourin' ower yer nose!" "Ye see, Mr Bodkin," quoth Simon, dichtin' the weet frae his neb wi' a grand red an' white silk handkerchief, "I tane the road betimes that I micht hae the cool o' the day to walk in, itherwise I micht hae been smoored wi' the heat. But I had anither rizzen for bein' early to the gait this mornin', for I maun be aff again by mid-afternoon, as I'm gaun roond by St Andrews to see a man wha has been awin' me the price o' a suit o' claes for better nor a twalmonth, an' I wad like to see if the siller can be gotten oot o"m." "Guid wife, hae ye onything i' yer bottle f inquired my faither. "Gie Simon a toothfu' amang a sup water, to cool him." Simon havin' got his toothfu', whilk he sookit up wi' great complacency, my faither resumin' the threed o' the conversation observed--"Yea, yea, Simon, ye're gaun awa again by mid-afternoon--are ye 1 I'm richt sorry at that, though; but could ye no stay yer fouroors V "Na: I daurna do that," quoth Simon, tossin' aff the dregs o' his whuskey an' water, "for ye ken that wad throw me late in gettin' to St Andrews, an' the man I'm wantin' to...
"synopsis" may belong to another edition of this title.